24 اگست ، 2021 
طیارے سے گرکر ہلاک ہونیوالے افغان باشندوں کی تضحیک پر صارفین کا سخت ردِ عمل
24 اگست ، 2021
کابل سے انخلا کے دوران امریکی فوجی طیارے سے گرکر ہلاک ہونیوالے 3 شہریوں کے المناک حادثے سے فائدہ اٹھاتے ہوئے ایک برانڈ نے امریکی ای کامرس کمپنی Etsy سمیت دیگر کئی آن لائن ویب سائٹس پر خواتین اور مردوں کیلئے ٹی شرٹس متعارف کروائی ہیں جس پر طیارے سے گرتے افراد کا ڈیزائن بنا ہوا ہے۔
ٹی شرٹس آن لائن پلیٹ فارمز پر دستیاب ہیں جس پر کابل اسکائی ڈائیونگ کلب کے الفاظ درج ہیں۔
سوشل میڈیا صارفین کی جانب سے افغان شہریوں کی موت اور ان کی تضحیک پر شدید ردعمل کا اظہار کیا گیا ہے۔
لوگوں نے اس عمل کو انسانی حقوق کی توہین قرار دیتے ہوئے متعدد ویب سائٹس سے ان کی فروخت بند کرنے کا مطالبہ کیا۔
فلسطین سے تعلق رکھنے والی رائٹر نے انسٹاگرام پر پوسٹ شیئر کرتے ہوئے لکھا کہ ابھی اس واقعے کو ایک ہفتہ بھی نہیں ہوا اور کمپنی نے اس طرح سے منافع کمانے کا سوچ لیا، افغانستان سے گزشتہ 20 سالوں میں جو منافع کمایا وہ کافی نہ تھا؟
انہوں نے تمام صارفین سے مطالبہ کیا کہ پوسٹ شیئر کریں اور کمپنی کو ٹیگ بھی کریں۔
ایک اور ٹوئٹر صارف نے کمپنی کو مینشن کرتے ہوئے سوالات کیے کہ کیا آپ معصوم افغان شہریوں کی موت پر مطمئن اور خوش ہیں؟ کیا یہ جشن منانے کا سماں ہے؟
صارفین کے ردعمل کے نتیجے میں شرٹس کے برانڈ نے Etsy سے اپنی شرٹس ہٹا دیں لیکن متعدد پلیٹ فارمز پر یہ تاحال کم قیمتوں میں فروخت کی جارہی ہیں۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
