پوپ فرانسس کی عیسائیوں سے افغانستان میں امن کیلئے روزہ رکھنے کی اپیل

کیتھولک عیسائیوں کے مذہبی پیشوا پوپ فرانسس نے  افغانستان کی موجودہ صورتحال پر دنیا بھر کے عیسائیوں سے روزہ رکھنے کی اپیل کردی۔

پوپ فرانسس کا کہنا تھاکہ  افغانستان میں امن واستحکام کیلئے دنیا بھر کے عیسائی روزہ رکھیں۔

انہوں نے اپیل کی کہ عیسائی برادری افغانستان کے مستقبل کیلئے دعا اور عبادات کا بھی اہتمام کرے۔ 

پوپ فرانسس نے گزشتہ دنوں کابل ائیرپورٹ پر خودکش دھماکے میں ہونے والی اموات پر بھی دکھ کا اظہار کیا اور کہا کہ اس وقت ان تمام لوگوں کی مدد کریں جن کو ہماری ضرورت ہے۔

پوپ فرانسس نے افغانستان میں موجودہ حالات میں امدادی کام کرنے والوں کا بھی شکریہ ادا کیا۔

خیال رہے کہ 2 روز قبل کابل ائیرپورٹ دھماکوں سے گونج اٹھا تھا جس میں 13 امریکی فوجیوں اور 2 برطانوی شہریوں سمیت 170 سے زائد افراد ہلاک ہوئے تھے، ان دھماکوں سے دو روز قبل امریکی صدر جوبائیڈن نے حملے کا الرٹ جاری کیا تھا۔