31 اگست ، 2021 
امریکی انخلا کے بعد کابل ائیرپورٹ پر بدری 313 یونٹ تعینات، ذبیح اللہ کا دورہ
31 اگست ، 2021
افغانستان سے امریکی فوج کا انخلا مکمل ہوتے ہی 20 سالہ جنگ کا خاتمہ ہوگیا۔
امریکی انخلا کے بعد دارالحکومت کابل کے حامد کرزئی ائیرپورٹ کی سکیورٹی طالبان نے رات کو سنبھال لی تھی۔
کابل ائیرپورٹ پر سکیورٹی کی ذمہ داری جدید اسلحہ اور دیگر فوجی آلات سے آراستہ طالبان کے بدری 313 یونٹ نے سنبھال لی ہے۔
بدری 313 یونٹ کے دستے ائیرپورٹ کے مختلف حصوں میں تعینات کیے گئے ہیں۔
ذبیح اللہ مجاہد کا کابل ائیرپورٹ کا دورہ
امریکی فوج کے انخلا کے بعد طالبان کے اہم رہنماؤں نے کابل ائیرپورٹ کا دورہ کیا۔ اس کے علاوہ ترجمان ذبیح اللہ مجاہد بھی حامد کرزئی ائیرپورٹ پہنچے جہاں انہوں نے تعینات سکیورٹی اہلکاروں سے بھی گفتگو کی۔
اپنے خطاب میں ذبیح اللہ مجاہد نے فتح پر مبارکباد پیش کی اور کہا کہ ہماری خواہش ہے دوبارہ کبھی ہمارے ملک پر حملہ نہ ہو۔
ان کا کہنا تھاکہ اپنے رہنماؤں کی ایمانداری، قربانی اور صبرکی وجہ سے آج ہم آزاد ہیں، ہم امن، خوشحالی اور مکمل اسلامی نظام چاہتے ہیں۔
ذبیح اللہ مجاہد نے بدری 313 یونٹ کو ہدایت کی کہ طالبان جنگجو افغان عوام کے ساتھ اچھے اندازمیں پیش آئیں، عوام ہمدردی اور محبت سے پیش آنے کے حقدار ہیں۔
ان کا کہنا تھاکہ ہم افغان عوام کے ملازم ہیں، ہمیں خود کو ان پر مسلط نہیں کرنا۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
