01 ستمبر ، 2021 
پاکستان
رانا ثناء اللہ کے 19 کروڑ روپے کے اثاثہ جات کی تحقیقات کے لیے چیئرمین نیب کو ریفرنس دائر کرنے کی استدعا کی گئی ہے۔ فوٹو: فائل
19 کروڑ کے اثاثے، نیب نے رانا ثناء اللہ کیخلاف انکوائری کی منظوری دیدی
01 ستمبر ، 2021
قومی احتساب بیورو (نیب) کے لاہور ڈویژن نے مسلم لیگ ن کے رہنما رانا ثناء اللہ کے خلاف آمدن سے زائد اثاجات کی انکوائری کی منظوری دے دی۔
ڈی جی نیب لاہور میجر ریٹائرڈ شہزاد سلیم کی زیر صدارت نیب دفتر لاہور میں اجلاس ہوا جس میں مسلم لیگ ن کے رہنما رانا ثناء اللہ کے خلاف آمدن سے زائد اثاثہ جات کی انکوائری کی منظوری دی گئی۔
نیب حکام کے مطابق رانا ثناء اللہ کے 19 کروڑ روپے کے اثاثہ جات کی تحقیقات کے لیے چیئرمین نیب کو ریفرنس دائر کرنے کی استدعا کی گئی ہے۔
