گورکھ ہل اسٹیشن پر سیاحوں کی گاڑی کو حادثہ، 4 افراد جاں بحق
05 ستمبر ، 2021
صوبہ سندھ کے ضلع دادو کے سیاحتی مقام گورکھ ہل اسٹیشن پر سیاحوں کی گاڑی الٹ گئی جس کے باعث 4 افراد جاں بحق ہوگئے۔
پولیس کے مطابق گورکھ ہل اسٹیشن کھاول لک کے قریب سیاحوں کی گاڑی کو حادثہ پیش آیا اور گاڑی الٹ گئی۔
پولیس نے بتایا کہ حادثے میں 4 سیاح جاں بحق اور 3 افراد زخمی ہوئے جنہیں ڈسٹرکٹ ہیڈکوارٹر اسپتال منتقل کیاگیا۔
حادثے کا شکار ہونے والے سیاحوں کا تعلق لاڑکانہ سے تھا۔
جاں بحق افراد کی شناخت سلیم اللہ، اسلم سیال، طارق چانڈیو اور واحد بخش کے نام سے ہوئی ہے۔
مزید خبریں :
