12 ستمبر ، 2021 
بھارتی فوج کا ایک اور پروپیگنڈا، اداکار شان شاہد اور عمیر جسوال کو شہید قرار دیدیا
12 ستمبر ، 2021
بھارتی (ر) میجر جنرل ہرشا ککڑ نے معروف پاکستانی اداکار شان شاہد اور گلوکار عمیر جسوال کو پاک فوج کے افسران سمجھ کر وادی پنجشیر میں ان کی شہادت کے دعوے کو حقیقت مان لیا۔
بھارت کے میجر جنرل (ر) جی ڈی بخشی کی جانب سے ایک ٹوئٹ کیا گیا جس میں انہوں نے لکھا کہ پنجشیر میں لڑائی کے دوران پاکستان کو بھاری جانی نقصان ہوا۔ پنجشیر میں پاکستان کے سات افسران، 12 جونیئر افسران اور 75 کمانڈوز شہید ہوئے جبکہ دیگر کچھ زخمی بھی ہوئے۔
جی ڈی بخشی کی اس ٹوئٹ کو شیئر کرتے ہوئے 'فوجی ڈاکٹر 'نامی فیک اکاؤنٹ نے پاکستانی فلم 'یلغار' کی ایک تصویر شیئر کی جس میں شان شاہد، عمیر جسوال اور بلال اشرف موجود تھے۔
اس اکاؤنٹ کی جانب سے دعویٰ کیا گیا کہ میجر اعجاز (شان) اور کیپٹن جعفر (عمیر جسوال) میرے کلاس فیلو تھے جو پنجشیر میں شہید ہوگئے۔ انہیں پشاور میں سپردِ خاک کیا گیا، آئی ایس پی آر اِن ہلاکتوں کو پوشیدہ رکھنے کی کوشش کر رہا ہے، یہ دونوں بہادری سے لڑے۔
دوسری جانب میجر جنرل (ر) ہرشا ککڑ نے بنا تصدیق یہ ٹوئٹ شیئر کر دی اور پاکستان کے خلاف زہر اگلنا شروع کر دیا۔
اداکار شان شاہد نے ٹوئٹس پر جواب دیتے ہوئے فوجی لباس میں تصویر شیئر کی اور طنزیہ لہجے میں ہیلو کہا۔
پاکستانی سوشل میڈیا صارفین بھی بھارتی افسران کی ان بھونڈی حرکتوں سے خوب محظوظ ہو رہے ہیں اور اس واقعہ پر کئی میمز بھی بن چکے ہیں۔ شان شاہد نے بھی اسے اپنے انسٹاگرام پر شیئر کیا جس پر متعدد شوبز شخصیات کی جانب سے تبصرے بھی کیے جا رہے ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
