Can't connect right now! retry

دنیا
13 ستمبر ، 2021

سعودی حکومت کا بیرون ملک سے آنیوالے مسافروں کیلئے نئے ضوابط کا اعلان

نئے ضوابط کا تعلق ان ممالک سے آنے والے مسافروں کے لیے ہے جہاں سے براہ راست پروازوں کی اجازت ہے،فوٹو: فائل
نئے ضوابط کا تعلق ان ممالک سے آنے والے مسافروں کے لیے ہے جہاں سے براہ راست پروازوں کی اجازت ہے،فوٹو: فائل

سعودی حکومت نے بیرون ملک سے سعودیہ آنے والے افراد کے لیے نئے ضوابط کا اعلان کردیا۔

 سعودی عرب کے محکمہ شہری ہوا بازی کے مطابق نئے ضوابط کا تعلق ان ممالک سے آنے والے مسافروں کے لیے ہے جہاں سے براہ راست پروازوں کی اجازت ہے۔

نئے ضوابط کے مطابق تصدیق شدہ ویکسین کی ایک خوراک لینے والوں کو سعودیہ پہنچنے پر 5 دن قرنطینہ کرنا ہوگا اور سعودی عرب آنے سے 72 گھنٹے  قبل کورونا پی سی آر ٹیسٹ بھی کرانا ہوگا۔

محکمہ شہری ہوابازی کا کہنا ہےکہ مسافروں کو سعودی عرب آنے کے 24 گھنٹے بعد دوبارہ ٹیسٹ کرانا ہوگا،کورونا ٹیسٹ کا منفی نتیجہ آنے پر بھی 5 ویں دن پھر پی سی آر کرانا ہوگا۔

حکام کی جانب سے 18 سال سے کم مسافر بچوں کے لیے الگ ضابطے کا اعلان کیا گیا ہے۔

18سال سےکم عمربچوں کو 5 دن کے لیےہاؤس آئسولیشن کرنا ہوگا،8 سال سےزیادہ عمرکے بچوں کو 5 ویں دن پی سی آر کرانا ہوگا۔

سعودی محکمہ شہری ہوابازی کے مطابق  نئے ضابطوں کا اطلاق 23 ستمبر سے ہوگا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM