13 ستمبر ، 2021 
پاکستان
پاکستانی حکومت بھی افغان شہریوں کوپاکستان جانے پرعائد پابندی ہٹائے، افغان بارڈرپولیس— فوٹو:فائل
طورخم کے راستے پاکستانیوں کے افغانستان داخلے پر پابندی عائد، افغان بارڈرپولیس
13 ستمبر ، 2021
افغانستان نے طورخم کے راستے پاکستانی شہریوں کے داخلے پرپابندی لگادی۔
افغان بارڈرپولیس کے مطابق طورخم کے راستے پاکستانی شہریوں کے افغانستان داخلے پرپابندی عائد کردی گئی ہے اور یہ پابندی تاحکم ثانی رہے گی۔
افغان بارڈرپولیس کا کہنا تھاکہ افغان شہریوں کے داخلے پرپاکستانی حکومت نے تین ماہ سے پابندی لگارکھی ہے، پیدل آمدورفت سے متعلق پاکستانی حکومت کا فیصلہ یکطرفہ ہے۔
افغان بارڈر پولیس کے مطابق پاکستانی حکومت بھی افغان شہریوں کوپاکستان جانے پر عائد پابندی ہٹائے۔
دوسری جانب خیبرپختونخوا کے ضلع خیبر کی انتظامیہ کا کہنا ہے کہ کورونا ایس اوپیز کے تحت 16 جون سے افغان شہریوں کے پاکستان داخلے پرپابندی عائد ہے۔
