14 ستمبر ، 2021 
پاکستان
شمالی وزیرستان میں پاک فوج کا آپریشن، 2 دہشت گرد ہلاک
14 ستمبر ، 2021
شمالی وزیرستان میں پاک فوج کے آپریشن کے دوران 2 دہشت گرد ہلاک ہوگئے۔
انٹرسروسز پبلک ریلیشنز ( آئی ایس پی آر) کے مطابق شمالی وزیرستان کے علاقے دتہ خیل میں دہشت گردوں کی موجودگی کی اطلاع پر آپریشن کیا گیا۔
آئی ایس پی آر کے مطابق آپریشن کے دوران 2 دہشت گرد مارے گئے جب کہ دہشت گردوں کی کمین گاہ سے ہتھیار اور اسلحہ بھی برآمد ہوا۔
آئی ایس پی آر کا کہنا ہے کہ علاقے میں سرچ آپریشن جاری ہے۔
