Can't connect right now! retry

انٹرٹینمنٹ
15 ستمبر ، 2021

دلیپ کمار کا ٹوئٹر اکاؤنٹ بند کرنے کا فیصلہ

7 جولائی کو دلیپ کمار ممبئی کے مقامی اسپتال میں طویل علالت کے بعد انتقال کرگئے تھے— فوٹو:فائل
7 جولائی کو دلیپ کمار ممبئی کے مقامی اسپتال میں طویل علالت کے بعد انتقال کرگئے تھے— فوٹو:فائل 

بھارت کے لیجنڈری اداکار یوسف خان المعروف دلیپ کمار کا آفیشل ٹوئٹر اکاؤنٹ بند کرنے کا فیصلہ کرلیا گیا۔

7 جولائی کو دلیپ کمار ممبئی کے مقامی اسپتال میں طویل علالت کے بعد انتقال کرگئے تھے۔ 

ان کے انتقال کے بعد ان کی اہلیہ سائرہ بانو بھی بیمار ہیں اور گزشتہ دنوں بھی ان کو اسپتال میں داخل کرایا گیا تھا۔

اب سائرہ بانو نے دلیپ کمار کا آفیشل ٹوئٹر اکاؤنٹ بند کرنے کا فیصلہ کیا ہے۔

دلیپ کمار کے آفیشل ٹوئٹر اکاؤنٹ پر ان کے ترجمان فیصل فاروقی نے ٹوئٹ کراتے ہوئے لکھا کہ سائرہ بانو  کی مشاورت اور سوچ بچار کے بعد فیصلہ کیا ہے کہ ان کا آفیشل ٹوئٹر اکاؤنٹ بند کردیا جائے گا۔

خیال رہے کہ دلیپ کمار 1940 سے 1960 کی دہائی میں بھارتی سینما پر چھا ئے رہے، انہوں نے 65 سے زائد فلموں میں کام کیا، ان کی مشہور فلموں میں دیوداس، سنگ دل، امر، آن، انداز، نیادور، کرما اور مغل اعظم شامل ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM