15 ستمبر ، 2021 
پاکستان
نیب نے قومی خزانے کو نقصان پہنچانے والی کمپنی سے کروڑوں روپے وصول کرلیے
15 ستمبر ، 2021
قومی احتساب بیورو (نیب) لاہور نے قومی خزانے کو نقصان پہنچانے والی کمپنی سے کروڑوں روپے وصول کرلیے۔
نیب کے ترجمان کے مطابق نیب لاہورنےقومی خزانہ کو نقصان پہنچانے والی کمپنی سے رقم برآمد کی ہے۔
ترجمان نے بتایا کہ ڈائریکٹر جنرل (ڈی جی) نیب لاہور شہزاد سلیم نے 11 کروڑ 64 لاکھ روپے کا چیک سرکاری بینک کے حوالے کیا۔
ترجمان کے مطابق کمپنی نے 2017 میں قومی بینک سے جعلی لیٹر آف کریڈٹ کے ذریعے کروڑوں روپے نکلوائے تھے جس پر ملزمان سے پلی بارگین کے ذریعے کروڑوں روپے برآمد کیے گئے۔
ترجمان کا کہنا ہے کہ نیب 4 سال کے دوران بدعنوان عناصر سے اب تک 535 ارب روپے وصول کرچکا ہے۔
