صحت و سائنس
17 ستمبر ، 2021

سات ماہ سے ملک میں پولیو کا کوئی کیس رپورٹ نہیں ہوا، فیصل سلطان کادعویٰ

وزیراعظم عمران خان کے معاون خصوصی برائے صحت ڈاکٹر فیصل سلطان نے دعویٰ کیا ہے کہ گزشتہ سات ماہ سے پولیو کا کوئی کیس رپورٹ نہیں ہوا۔

پولیو مہم کی افتتاحی تقریب سے خطاب کرتے ہوئے ڈاکٹر فیصل سلطان نے کہا کہ حکومت پولیو کے خاتمے کیلئے پر عزم ہے ، رواں ماہ ہونے والی قومی پولیو مہم میں 4 کروڑ سے زائد بچوں کو پولیو سے بچاؤ کے قطرے پلانے کا ہدف ہے۔

انہوں نے کہا کہ خیبرپختونخوا میں آج سے مہم شروع ہوگئی ہے جبکہ 20 ستمبر سے ملک بھر میں پولیو مہم کا آغاز ہورہا ہے۔ پولیو مہم میں وٹامن اے کی اضافی خوراک بھی دی جائے گی۔ رواں سال کی تیسری قومی انسداد پولیو مہم میں میں 2 لاکھ 90 ہزار ورکرز حصہ لے رہے ہیں۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM