Can't connect right now! retry

دلچسپ و عجیب
17 ستمبر ، 2021

قبرستان میں خاتون کا انسانی ڈھانچے کے ساتھ رقص

انگلیڈ کے قبرستان میں خاتون کو ڈھانچوں سے کھیلتے دیکھا گیا—فوٹوبشکریہ ٹوئٹر
انگلیڈ کے قبرستان میں خاتون کو ڈھانچوں سے کھیلتے دیکھا گیا—فوٹوبشکریہ ٹوئٹر

کیا آپ نے کبھی کسی قبرستان میں ڈھانچوں کے ساتھ کھیلنے اور رقص کرنے والی خاتون کو دیکھا ہے؟اگر نہیں دیکھا تو اب دیکھ لیں۔

غیر ملکی میڈیا رپورٹس کے مطابق، انگلینڈ کے قدیم ہل نامی قبرستان میں حال ہی میں راہبہ کا لباس زیب تن کیے  ڈھانچوں سے کھیلتی خاتون دیکھی گئی ہیں۔

میڈیا رپورٹس کے مطابق، خاتون کی خوفناک اور دل دہلادینے والی تصاویر رواں ماہ کی پہلی تاریخ کو قبرستان کے باہر سے گزرنے والے مسافر کی جانب سے کھینچی گئیں، بعد ازاں تصاویر سوشل میڈیا پر وائرل ہوگئیں۔

وائرل تصویر میں خاتون کو کریم رنگ کا راہبہ کا گاؤن اور اسکارف پہنے دیکھا گیا، ایک اور تصویر میں خاتون کو بظاہر کتے جیسے نظر آنے والے ڈھانچے کے ساتھ کھیلتے دیکھا جاسکتا ہے۔

خوفناک منظر دیکھنے والے شہریوں کا کہنا ہے کہ خاتون کو کئی منٹ تک ڈھانچوں کے ساتھ رقص کرتے دیکھا گیا تاہم اس دوران وہاں لوگوں کی موجودگی بھی خاتون کے اس عمل میں خلل نہ ڈال سکی ۔

ان مناظر کو اپنی آنکھوں سے دیکھنے والے افراد کا برطانوی اخبار  ڈیلی میل سے گفتگو کرتے ہوئے کہنا تھا کہ خاتون کو اس دوران خاصا خوش اور ڈھانچوں کے ساتھ مگن دیکھا گیا۔

گفتگو کے دوران کچھ افراد نے خاتون کے اس عمل کو توجہ مبذول کرنے کا طریقہ قرار دیا تو وہیں کچھ افراد نے آرٹ پراجیکٹ کا حصہ قرار دیا۔

تاہم فی الحال واضح نہیں ہوسکا ہے کہ خاتون کے ڈھانچوں کے ساتھ کھیلنے کے پیچھے درحقیقت  کہانی کیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM