پاکستان
Time 17 ستمبر ، 2021

عمر شریف کی روانگی: ائیرایمبولینس کیلئے درخواست نہیں ملی، ایوی ایشن ذرائع

لیجنڈ اداکار عمر شریف کو علاج کی غرض  سے امریکا روانگی کیلئے ائیر ایمبولینس کا انتظار ہے۔

عمر شریف کے بیٹے جواد عمر نے جیو نیوز سے گفتگو میں کہا کہ بیرون ملک روانگی کیلئے ویزے مل گئے ہیں جبکہ والد کی طبیعت بہتر ہے۔

ان کا کہنا تھاکہ ائیرایمبولینس کیلئے پروسس جاری ہے اور اس حوالے سے معاملات سندھ حکومت خود دیکھ رہی ہے۔

دوسری جانب ذرائع کا کہنا ہے کہ عمر شریف کی بیرون ملک منتقلی کیلئے سول ایوی ایشن اتھارٹی (سی اے اے) کے ائیر ٹرانسپورٹ ڈپارٹمنٹ کو ائیر ایمبولنس کیلئے ابھی تک کوئی درخواست موصول نہیں ہوئی۔

ذرائع کے مطابق ائیرایمبولنس کیلئے جیسے ہی درخواست موصول ہوگی اُس پر کارروائی کی جائے گی۔

مزید خبریں :