17 ستمبر ، 2021 
پاکستانی کیوئسٹس کا سکس ریڈ اسنوکر ورلڈکپ میں فاتحانہ آغاز
17 ستمبر ، 2021
سکس ریڈ اسنوکر ورلڈکپ میں پاکستانی کیوئسٹس نے فاتحانہ آغاز کردیا۔
سکس ریڈ اسنوکر ورلڈکپ قطر کے شہر دوحہ میں شروع ہوگیا، پہلے روز پاکستان کے دونوں کیوئسٹس بابر مسیح اور حارث طاہر نے اپنے اپنے میچز جیت لیے۔
دوحہ میں سکس ریڈ اسنوکر ورلڈکپ کے پہلے روز پاکستان کے بابر مسیح نے بھارت کے اشپریت سنگھ چڈا کو ایک فریم جیتنے کا بھی موقع نہیں دیا اور 0-5 سے کامیابی حاصل کی۔
بابر کی جیت کا اسکور 27-32، 23-30، 6-55، 7-57 اور 9-56 رہا۔
اس کے علاوہ ایک اور میچ میں پاکستان کے حارث طاہر نے اومان کے حسین الاواتی کو 2-5 سے ہرایا۔
حارث نے ابتدائی 2 فریمز جیت کر برتری حاصل کی تاہم الاواتی نے تیسرا اور چوتھا فریم جیت کر مقابلہ برابر کردیا مگر اس کے بعد پاکستانی کیوئسٹ نے مسلسل 3 فریمز جیت کر مقابلہ 2-5 سے اپنے نام کرکے سکس ریڈ اسنوکر ورلڈکپ میں کامیابی کے ساتھ آغاز کیا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
