18 ستمبر ، 2021 
پاکستان
سندھ حکومت نے پاکستان کے طویل القامت نصیر سومرو کے علاج کی ذمہ داری اٹھالی
18 ستمبر ، 2021
سندھ حکومت نے پاکستان کے طویل القامت نصیر سومرو کے علاج کے اخراجات اٹھانے کے احکامات جاری کردیے۔
سندھ کی وزیر صحت عذرا پیچوہو نے نصیر سومرو کی علالت کا نوٹس لیا اور علاج کے اخراجات اٹھانے کے احکامات جاری کیے۔
محکمہ صحت سندھ کی جانب سے نصیر سومرو کے علاج کے سلسلے میں نوٹیفکیشن بھی جاری کیا گیا ہے۔
نوٹیفکیشن میں کہا گیا ہےکہ 52 سالہ نصیر سومرو شدید علیل ہیں، اہل خانہ کی اپیل پر سندھ حکومت اسٹیڈیم روڈ پر واقع نجی اسپتال میں نصیر سومرو کا علاج کرائے گی۔
نوٹیفکیشن کے مطابق نصیر سومرو کے علاج کے سلسلے میں متعلقہ اسپتال کو تحریری طور پر احکامات جاری کردیے گئے ہیں۔
