21 ستمبر ، 2021 
ورلڈکپ سے قبل حوصلہ بڑھانے کیلئے قومی کرکٹرز کی وزیراعظم سے ملاقات ہوگی
21 ستمبر ، 2021
پاکستان ٹی ٹونٹی ورلڈ کپ اسکواڈ کے اراکین وزیر اعظم عمران خان سے ملاقات کریں گے، ملاقات کل ہونے کا امکان ہے، ملاقات میں چیئرمین پی سی بی رمیز راجہ بھی شامل ہوں گے۔
ذرائع نے اس بات کی تصدیق کی ہے کہ وزیر اعظم عمران خان سے پاکستان ٹی ٹونٹی ورلڈ کپ اسکواڈ کے اراکین کی ملاقات کرانے کا اہتمام کیا جا رہا ہے۔
ملاقات کے دن اور وقت کا تعین وزیر اعظم عمران خان کی مصروفیات کو مد نظر رکھ کر کیا جائے گا لیکن اس بات کا قوی امکان ہے کہ یہ ملاقات ہو گی اور اس کا مقصد کھلاڑیوں کے میگا ایونٹ سے قبل حوصلے بڑھانا ہیں۔
1992 ورلڈ کپ کی فاتح ٹیم کے کپتان عمران خان اپنے تجربات سے آگاہ کریں گے اور نوجوان کھلاڑیوں کو ٹپس دیں گے۔
اس ملاقات میں پاکستان کرکٹ بورڈ کے چیئرمین رمیز راجہ بھی موجود ہوں گے۔
نیشنل ٹی ٹونٹی کپ کے لیے پاکستان ٹی ٹوئنٹی اسکواڈ کے تمام کھلاڑی اسلام آباد میں موجود ہوں گے ، پی سی بی نے تمام کھلاڑیوں کو نیشنل ٹی ٹوئنٹی کپ کھیلنے کا پابند کیا ہوا ہے تاکہ میگا ایونٹ کے لیے بھرپور تیاری کی جا سکے۔
نیشنل ٹی ٹونٹی کپ کا پہلا مرحلہ 23 ستمبر سے پنڈی اسٹیڈیم میں شروع ہو رہا ہے۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
8 گھنٹے پہلے
