Can't connect right now! retry

کھیل
24 ستمبر ، 2021

اسپینش فٹبال لیگ: ریال بیٹس نے اوساسونا کو ایک کے مقابلے میں تین گول سے ہرادیا

اسپینش فٹبال لیگ لالیگا میں ریال بیٹس نے اوساسوناکو ایک کے مقابلے میں تین گول سے شکست دے دی —فوٹو: لالیگا
اسپینش فٹبال لیگ 'لالیگا' میں ریال بیٹس نے اوساسوناکو ایک کے مقابلے میں تین گول سے شکست دے دی —فوٹو: لالیگا

اسپینش فٹبال لیگ 'لالیگا' میں ریال بیٹس نے اوساسوناکو ایک کے مقابلے میں تین گول سے شکست دے دی۔

اسپینش فٹ بال لیگ کے پہلے میچ میں ریال بیٹس نے اوساسونا کو تین ایک سے شکست دے دی جبکہ دوسرے میچ میں ریال سوسائیڈد نے گریناڈا کو دلچسپ مقابلے کے بعد تین دو کے اسکور سے مات دے دی ۔

لالیگا میں جمعرات کو کھیلے جانے والے پہلے میچ میں ریال بیٹس اور اوساسونا کے درمیان مقابلہ تھا، میچ میں ریال بیٹس نے پہلے برتری حاصل کی ،یہ گول اکیسویں منٹ میں ہرموسو نے اسکور کیا۔

 اس برتری کا خاتمہ اوساسونا کی جانب سے  کیکی نے  39 منٹ گول کر کے کیا ، دوسر ے ہاف میں ریال بیٹس کے کھلاڑیوں نے بہتر کھیل پیش کیا اور  80ویں منٹ میں یونمی نے گول کر کے ٹیم کو سبقت دلادی۔

ایکسٹرا ٹائم میں ویلین ہوزے نے ریال بیٹس کی جانب سے ایک اور گول  کرکے مقابلہ تین ایک کردیا اور میچ کے اختتام تک اسکور 1-3 ہی رہا اور یوں  ریال بیٹس نے اوساسونا کے خلاف  تین ایک سےکامیابی حاصل کی۔

اس کے علاوہ  ایک اور میچ میں ریال سوسائیڈد نے گریناڈا کو دلچسپ مقابلے کے بعد تین دو کے اسکور سے مات دے دی۔

واضح رہے کہ اسپینش فٹبال لیگ لالیگا کے تمام میچز پاکستان کے پہلے اسپورٹس چینل 'جیو سپر ' سے براہ راست نشر کیے جارہے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM