Can't connect right now! retry

کھیل
24 ستمبر ، 2021

نیشنل ٹی ٹوئنٹی کپ: سندھ نے سدرن پنجاب کو 5 وکٹوں سے شکست دیدی

خرم منظور نے ذمہ درانہ بیٹنگ کرتے ہوئے 84 رنز کی شاندار اننگز کھیلی ۔ —فوٹو: پی سی بی ٹوئٹر
خرم منظور نے ذمہ درانہ بیٹنگ کرتے ہوئے 84 رنز کی شاندار اننگز کھیلی ۔ —فوٹو: پی سی بی ٹوئٹر

نیشنل ٹی ٹوئنٹی کپ  میں سندھ نے سدرن پنجاب کو 5  وکٹوں سے شکست دے دی۔

راولپنڈی میں کھیلے جارہے نیشنل ٹی ٹوئنٹی کپ میں جمعے کے  روز  پہلا میچ سندھ اور سدرن پنجاب کے درمیان کھیلا گیا۔

سندھ نے ٹاس جیت کر فیلڈنگ کا فیصلہ کیا، میچ میں سدرن پنجاب نے پہلے کھیلتے ہوئے 7 وکٹوں پر 175 رنز بنائے۔

سدرن پنجاب کی جانب سے عامر یامین 43 رنز بناکر نمایاں رہے جب کہ ذیشان اشرف نے 34 اور زین عباس نے 25 رنز بنائے۔

سندھ کی  جانب سے محمد حسنین نے دو کھلاڑیوں کو آؤٹ کیا جب کہ  انور علی، رومان رئیس، زاہد محمود اور شاہنواز دھانی نے ایک ایک وکٹ حاصل کی۔

176 رنز کے تعاقب میں سندھ کی 2 وکٹیں 33 رنز پر گر گئیں، شرجیل خان اور شان مسعود 10،10 رنز بناکر آؤٹ ہوئے جس کے بعد خرم منظور  نے ذمہ درانہ بیٹنگ کرتے ہوئے 84 رنز کی شاندار اننگز کھیلی۔

138رنز پر 5 کھلاڑی آؤٹ ہونے کے بعد انور علی نے جارحانہ انداز اپنایا اور صرف 9 گیندوں پر دو چھکوں اور تین چوکوں کی مدد سے 29 رنز کی اننگز کھیلی جب کہ دانش عزیز  بھی 17 رنز بناکر ناٹ آؤٹ رہے اور یوں سندھ کی ٹیم نے ہدف چار گیندوں قبل ہی حاصل کرلیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM