07 اکتوبر ، 2021 
مسلمان شوہر کا بیوی کو سالگرہ پر 6 کروڑ کا تحفہ، ویڈیو سوشل میڈیا پر وائرل
07 اکتوبر ، 2021
بیوی کو خوش کرنے کے لیے ان کی سالگرہ پر دنیا بھر کے شوہر مختلف قسم کے سرپرائز اور تحفے تحائف پیش کرتے ہیں تاہم حال ہی میں ایک شوہر نے اپنی بیوی کو قیمتی تحفہ دے کر سوشل میڈیا صارفین کو حیران کر دیا۔
خلیج ٹائمز کی ایک رپورٹ کے مطابق دبئی میں مقیم بھارتی بزنس مین نے اپنی اہلیہ کو سالگرہ پر قیمتی گاڑی رولز رائس کا تحفہ پیش کیا۔
رپورٹ کے مطابق دبئی میں مقیم امجد ستارہ بی سی سی کنٹریکٹ فرم کے مالک ہیں اور انھوں نے اپنی اہلیہ مرجانا کو ان کی 22 ویں سالگرہ پر رولز رائس ریتھ گفٹ کی ہے۔ مرجانا امجد کی کنٹریکٹ فرم میں بطور چیف آپریٹنگ آفیسر (سی ای او) کام کرتی ہیں۔
اہلیہ کو 6 کروڑ پاکستانی روپے کی مالیت کے برابر قیمتی تحفے جیسا سرپرائز دینے کی ویڈیو امجد ستارہ کی جانب سے انسٹاگرام پر بھی شیئر کی گئی ہے۔
اہلیہ کو سالگرہ پر قیمتی تحفہ دینے والے امجد کا کہنا ہے کہ حال ہی میں ان کے ہاں پہلے بچے کی پیدائش کے بعد انھوں نے اپنی اہلیہ کو خاص تحفہ دینے کا سوچا تھا، اسی لیے اہلیہ کو سرخ رنگ کی نئی اور قیمتی گاڑی تحفے میں دی۔
مزید خبریں :
12 ہزار سال پرانے پہیے جیسی شکل کے پتھر دریافت
5 گھنٹے پہلے
