09 اکتوبر ، 2021
اداکارہ سارہ خان نے فلک شبیر کی ایک خوبصورت ویڈیو شیئر کی ہے جس میں وہ بیٹی کے کان میں اذان دے رہے ہیں۔
سارہ خان نے بیٹی کی پیدائش کے بعد انسٹاگرام پر ویڈیو پوسٹ کی جس میں فلک اپنی بیٹی عالیانہ کو گود میں اٹھائے کھڑے ہیں۔
ویڈیو میں دیکھا جاسکتا ہے کہ فلک اپنی بیٹی کے کان میں اذان دے رہے ہیں۔
سارہ خان نے ویڈیو کے کیپشن میں قرآنِ مجید کی سورۃ الرحمٰن کی آیت بھی لکھی۔
اداکارہ نے مذکورہ ویڈیو گزشتہ روز شیئر کی جو اب سوشل میڈیا پر وائرل ہے، سارہ کی پوسٹ پر مداحوں سمیت شوبز شخصیات کی جانب سے مبارکباد کا سلسلہ جاری ہے۔
خیال رہے کہ سارہ خان اور فلک شبیر کے ہاں گزشتہ روز بیٹی کی پیدائش ہوئی ہے جس کی اطلاع گلوکار نے سوشل میڈیا کے ذریعے دی اور بتایا کہ اس کا نام عالیانہ فلک رکھا ہے۔