Can't connect right now! retry

دنیا
13 اکتوبر ، 2021

برازیل کے صدر کورونا وائرس سے متعلق سوالات سے اکتا گئے

مجھے بتائیں وہ کونسا ملک ہے جہاں اموات نہیں ہوتیں، میں یہاں پر بور ہونے کے لیے نہیں آیا؟ جیئر بولسونیرو۔ فوٹو: فائل
مجھے بتائیں وہ کونسا ملک ہے جہاں اموات نہیں ہوتیں، میں یہاں پر بور ہونے کے لیے نہیں آیا؟ جیئر بولسونیرو۔ فوٹو: فائل 

برازیل کے صدر جیئر بولسونیرو ملک میں کورونا وائرس میں بڑھتے ہوئے کیسز سے متعلق سوالات سے اکتا گئے۔

کچھ روز قبل ہی برازیل میں عالمی وبا کورونا سے اموات 6 لاکھ سے تجاوز کر گئی تھیں اور برازیل کورونا اموات کے حوالے سے دنیا میں امریکا کے بعد دوسرے نمبر پر آ گیا تھا۔

کورونا وائرس کے حوالے سے شکوک و شبہات رکھنے والے برازیلین صدر سے ساؤ پالو کے ساحل پر ایک صحافی نے کورونا وائرس سے ہونے والی اموات سے متعلق سوال پوچھا۔

جیئر بولسونیرو کا صحافی کو جواب دیتے ہوئے کہنا تھا، مجھے بتائیں وہ کونسا ملک ہے جہاں اموات نہیں ہوتیں؟ میں یہاں پر بور ہونے کے لیے نہیں آیا۔

اتوار کے روز صحافیوں سے گفتگو کرتے ہوئے برازیل کے صدر نے دعویٰ کیا تھا کہ وہ کووڈ 19 پروٹوکولز کی وجہ سے سینٹوز میں ہونے والا برازیلین فٹبال چیمپئن شپ کا میچ نہیں دیکھ سکے تھے۔

ان کا کہنا تھا کہ میں سینٹوز میں ہونے والا فٹبال میچ دیکھنا چاہتا تھا تو اس کے لیے ویکسین پاسپورٹ کیوں؟

خیال رہے کہ کئی ماہ تک برازیل کے صدر کورونا وائرس کے پھیلاؤ کو روکنے کے لیے لاک ڈاؤن کی مخالفت کرتے رہے جس کے باعث انہیں اپوزیشن اور سرکاری حکام کی جانب سے شدید تنقید کا سامنا بھی کرنا پڑا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM