15 اکتوبر ، 2021 
پاکستان
امدادی سامان ضلع سے باہر لے جانے والے کو سزا دی جائے گی: ڈپٹی کمشنر ہرنائی. فوٹو: فائل
زلزلہ متاثرین کا امدادی سامان ہرنائی سے باہر لے جانے پر پابندی عائد
15 اکتوبر ، 2021
ہرنائی: زلزلہ متاثرین کا امدادی سامان ضلع سے باہر لے جانے پر پابندی عائد کر دی گئی ہے۔
ڈپٹی کمشنر ہرنائی کی جانب سے جاری اعلامیے میں کہا گیا ہے کہ امدادی سامان ضلع سے باہر لے جانے والوں کو سزا دی جائے گی۔
دوسری جانب اختر آباد، مل ایریا، میانی آباد، سید آباد کے زلزلہ متاثرین میں امدادی سامان کی تقسیم بھی کی گئی۔
اس حوالے سے ضلعی انتظامیہ کا کہنا ہے کہ متاثرہ 1500 گھرانوں میں خیمے، راشن، برتن اور ادویات تقسیم کی گئی ہیں۔
خیال رہے کہ چند روز قبل ہرنائی میں آنے والے زلزلے میں 17 افراد جاں بحق اور 200 سے زائد زخمی ہوئے تھے جبکہ درجنوں مکانات، اسکول تباہ اور مساجد شہید ہو گئی تھیں۔
