کھیل
Time 15 اکتوبر ، 2021

گرانٹ بریڈ برن ہیڈ آف نیشنل ہائی پرفارمنس کی کوچنگ سے مستعفی

لاہور: گرانٹ بریڈ برن نے ہیڈ آف نیشنل ہائی پرفارمنس کی کوچنگ کا عہدہ چھوڑ دیا۔

پاکستان کرکٹ بورڈ (پی سی بی) کی جانب سے جاری بیان میں بتایا گیا ہے کہ گرانٹ بریڈ برن نے ہیڈ آف ہائی پرفارمنس کی کوچنگ کا عہدہ چھوڑ دیا ہے۔

گرانٹ بریڈ برن کا کہنا ہے کہ پاکستان میں کام کے دوران مختلف چیلنجز سے نمٹنے پر فخر ہے، بھرپور تجربہ اور مواقع فراہم کرنے پر پی سی بی کا مشکور ہوں۔

انہوں نے مزید کہا کہ پی سی بی کے موجودہ اور سابقہ ملازمین، کھلاڑیوں اور آفیشلز نے ان کے ساتھ بہت تعاون کیا، پاکستان میں ہمیشہ خود کو محفوظ تصور کیا۔

گرانٹ بریڈ برن کا کہنا تھا میری اہلیہ اور تینوں بچوں نے بھی بہت قربانیاں دیں، کووڈ 19 کے دوران ان کے لیے پاکستان کا سفر کرنا مشکل ہو گیا تھا۔

ان کا کہنا تھا اپنی فیملی کو ترجیح دینے اور کوچنگ کے نئے مواقع تلاش کرنے کا وقت ہے۔

مزید خبریں :