انٹرٹینمنٹ
16 اکتوبر ، 2021

زرنش خان نے 'میرا' کا مذاق اڑانے والوں کو چیلنج دے دیا

میرا کا ایک ویڈیو کلپ سوشل میڈیا پر کافی وائرل ہے__فوٹو فائل
میرا کا ایک ویڈیو کلپ سوشل میڈیا پر کافی وائرل ہے__فوٹو فائل

پاکستانی اداکارہ زرنش خان معروف اداکارہ میرا کی انگریزی کا مذاق اڑانے والوں پر برہم ہوگئیں۔

میرا کا ایک ویڈیو کلپ سوشل میڈیا پر کافی وائرل ہے جو حال ہی میں ہونے والے  لکس اسٹائل ایوارڈز کی تقریب کا ہے۔ 

ویڈیو کلپ میں میرا ٹوٹی پھوٹی انگریزی بولتی ہوئی نظر آئیں جس پر سوشل میڈیا صارفین نے ڈھیروں میمز بنا ڈالے۔

تاہم اس واقعے پر اداکارہ زرنش خان نے انسٹاگرام پر ایک اسٹوری شیئر کی اور میرا کا مذاق اڑانے والے تمام صارفین کو انگریزی کے مقابلے کا کھلا چیلنج دے دیا۔

اداکارہ نے ناقدین کو فارغ لکھتے ہوئے مخاطب کیا کہ مجھے پورا یقین ہے وہ تمام لوگ جو اس طرح کی ویڈیوز اور میمز بناتے ہیں وہ خود بیوقوف ہیں، جنہیں انگریزی تو کیا اپنی زبان بھی بمشکل آتی ہوگی۔

اسکرین شاٹ
اسکرین شاٹ

زرنش نے کہا کہ آپ کو کوئی حق نہیں کہ آپ کسی کی شخصیت کا مذاق اڑائیں، اگر مِیرا انگریزی اچھی نہیں بول سکتیں تو کیا یہ جرم ہے؟

انہوں نے میمرز اور ناقدین سمیت میرا کا مذاق اڑانے والے تمام افراد کو چیلنج دیا اور لکھا کہ آپ اس زبان کو کتنی اچھی طرح جانتے ہیں؟ کیا آپ کھلے چیلنج کے لیے تیار ہیں؟ میں شرط لگاتی ہوں کہ آپ میں سے کوئی انگریزی بولنے میں ماہر نہیں، براہِ کرم! دوسروں کا مذاق اُڑانا بند کردیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM