17 اکتوبر ، 2021 
پاکستان
برفباری کے باعث بابوسر اور ناران کے درمیان زمینی رابطہ منقطع
17 اکتوبر ، 2021
گلگت بلتستان کے شہر چلاس شہر اور گردونواح میں گزشتہ رات سے بارش کا سلسلہ جاری ہے۔
آزاد کشمیر اور گلگت بلتستان کے مختلف شہروں میں وقفے وقفے سے بارش اور پہاڑوں پر برفباری سے موسم سرد ہوگیا۔
برفباری کے باعث بابوسر ناران نیشنل ہائی وے عارضی طور پر بند کردی گئی جس کے باعث بابوسر اور ناران کے درمیان زمینی رابطہ منقطع ہوگیا۔
اُدھر اسکردو شہر اور گردونواح میں بھی بارشیں جاری ہیں جبکہ دیوسائی میدان کو سیاحوں کی آمدورفت کیلئے بند کردیا گیا۔
