18 اکتوبر ، 2021 
ماہرہ خان کی پاکستان کی پہلی خاتون لیفٹیننٹ جنرل کے ہمراہ تصویر وائرل
18 اکتوبر ، 2021
معروف اداکارہ ماہرہ خان کی پاکستان کی پہلی خاتون لیفٹیننٹ جنرل نگار جوہر کے ہمراہ سوشل میڈیا پر تصویر وائرل ہورہی ہے۔
نگار جوہر کی زندگی پر بنائی جانے والی ٹیلی فلم ’ایک ہے نگار‘ کا آفیشل ٹریلر کچھ روز قبل جاری کیا گیا ہے جس میں ماہرہ خان نگار جوہر کے کردار میں دکھائی دیں گی۔
فلم کا ٹریلر پاک فوج کے شعبہ تعلقات عامہ (آئی ایس پی آر) نے اپنے یوٹیوب چینل پر 16 اکتوبر کو شیئر کیا جس میں ماہرہ سمیت اداکار بلال اشرف و دیگر دکھائی دیے۔
ٹیلی فلم میں لیفٹیننٹ جنرل نگار جوہر کے کیرئیر میں پیش آنے والے مسائل اور کامیابیوں کو دکھاتے ہوئے انہیں خراجِ تحسین پیش کیا گیا۔
’ایک ہے نگار‘ کی رائٹر عمیرہ احمد ہیں جب کہ اس کے ہدایتکار عدنان سرور ہیں۔
ٹیلی فلم کو نینا کاشف اور ماہرہ خان کی پروڈکشن کمپنی سلفری فلمز کے بینر تلے 23 اکتوبر کو نجی ٹی وی پر ریلیز کیا جائے گا۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
