18 اکتوبر ، 2021 
ورلڈ کپ وارم اپ: پاکستان نے ویسٹ انڈیز کو شکست دے دی
18 اکتوبر ، 2021
آئی سی سی ٹی ٹوئنٹی ورلڈکپ کے وارم اپ میچ میں پاکستان نے بابر اعظم اور فخر زمان کی عمدہ بیٹنگ کی بدولت دفاعی چیمپئن ویسٹ انڈیز کو شکست دے دی۔
ویسٹ انڈیز نے پاکستان کے خلاف ٹاس جیت کر بیٹنگ کا فیصلہ کیا اور پہلے کھیلتے ہوئے 131 رنز کا ہدف دیا۔
ویسٹ انڈیز نے مقررہ اوورز میں 7 وکٹوں کے نقصان پر 130 رنز بنائے۔ شاہین آفریدی، حسن علی اور حارث رؤف نے دو دو وکٹیں حاصل کیں۔
جواب میں پاکستان نے ہدف 15.3 اوورز میں 3 وکٹوں کے نقصان پر پورا کرلیا۔کپتان بابر اعظم 50 رنز بناکر آؤٹ ہوئے جبکہ فخر زمان 46 رنز بناکر ناٹ آؤٹ رہے۔
وارم اپ میچ کے لیے قومی ٹیم میں کپتان بابر اعظم، شاداب خان، فخر زمان، محمد حفیظ، شعیب ملک، سرفراز احمد، محمد رضوان، عماد وسیم، آصف علی، محمد نواز، وسیم جونئیر، حارث رؤف، حسن علی، حیدر علی اور شاہین آفریدی شامل تھے۔
T20 ورلڈکپ میں پاکستان کا دوسرا وارم اپ میچ 20 اکتوبر کو جنوبی افریقہ کے خلاف ہوگا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
