29 اکتوبر ، 2021 
پاکستان
نارتھ ناظم آباد سی این جی اسٹیشن میں دھماکا، 4 افراد جاں بحق
29 اکتوبر ، 2021
کراچی کے علاقے نارتھ ناظم آباد میں عبداللہ کالج کے قریب سی این جی اسٹیشن میں گیس لیکیج سے دھماکا ہوا جس کے نتیجے میں 4 افراد جاں بحق اور 7 زخمی ہوگئے۔
ایس ایس پی سینٹرل ملک مرتضیٰ نے بتایا کہ سی این جی اسٹیشن پر دھماکا تخریب کاری نہیں، بم ڈسپوزل اسکواڈ نے جانچ پڑتال کے بعد ابتدائی رپورٹ دے دی ہے، پمپ کے بند الیکٹرکل روم میں شارٹ سرکٹ ہوا، بندکمرے سے ہوا کا اخراج نہ ہونے سے گیس جمع تھی جو دھماکے کا سبب بنی۔
ایس ایس پی کے مطابق دھماکے سے کمرے میں لگے شیشے ٹوٹے اور دور تک پھیل گئے، ہلاکتیں شیشے کے ٹکرے لگنے سے ہوئیں، جاں بحق افراد کی تعداد4 اور زخمیوں کی تعداد7 ہے۔
