30 اکتوبر ، 2021 
پاک افغان میچ کے ہیرو آصف علی نے قرآنی آیت لکھ کر جذبات کا اظہار کیا
30 اکتوبر ، 2021
قومی کرکٹ ٹیم کے پاور ہٹر آصف علی نے افغانستان سے فتح کے بعد ٹوئٹ کی جو وائرل ہوگئی۔
ٹی ٹوئنٹی ورلڈکپ کے سپر 12 مرحلے میں پاکستان نے سنسنی خیز مقابلے کے بعد افغانستان کو شکست دی، اس مقابلے کے ہیرو آصف علی قرار پائے جنہوں نے ایک ہی اوور میں چار چھکے لگا کر قومی ٹیم کی فتح کو یادگاربنادیا۔
آصف علی کو شاندار کارکردگی پر مین آف دی میچ کا ایوارڈ دیا گیا جس کے بعد انہوں نے ٹوئٹر پیغام پر بھی اللہ تعالیٰ کا شکر ادا کیا۔
آصف علی نے اپنی ٹوئٹ میں سورۃ آل عمران کی آیت ’وتُعِزُ مَن تَشَاء وَتُذِلُ مَن تَشَاء‘ (ترجمہ: اور اللہ تعالیٰ جسے چاہے عزت دے اور جسے چاہے ذلت دے) لکھی۔
قومی کرکٹر کی یہ ٹوئٹ سوشل میڈیا پر وائرل ہے جس میں آصف کو بے انتہا سراہا جارہا ہے۔
آصف علی نے ٹی ٹوئنٹی ورلڈکپ میں اب تک صرف 19 گیندوں کا سامنا کیا جس میں انہوں نے 52 رنز بنائے اور ان میں ایک چوکا اور 7 چھکے شامل ہیں۔
مزید خبریں :
کراچی پریمیئر لیگ ملیر ڈولفنز نے جیت لی
6 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
