30 اکتوبر ، 2021 
پاکستان
وزیراعظم کو معاہدے کا علم تھا، میری کیا مجال بتائے بغیر معاہدہ کروں، نور الحق قادری
30 اکتوبر ، 2021
وفاقی وزير نورالحق قادری نے کہا ہے کہ جو وزرا کہہ رہے ہیں کہ وزیراعظم کو معاہدے کا علم نہیں تھا وہ جھوٹ بول رہے ہیں، تحریک لبیک کے ساتھ جو بھی معاہدے ہوئے ہیں وزیراعظم کو علم تھا۔
وزیراعظم عمران خان سے بنی گالہ میں ملاقات کے بعد گفتگو کرتے ہوئے وفاقی وزیر نے کہا کہ ان کی کیا مجال کہ وہ وزیراعظم کو بتائے بغیر کوئی معاہدہ کریں۔
خیال رہے کہ گذشتہ دنوں وفاقی وزیر فیصل واوڈا نے ایک انٹرویو میں دعویٰ کیا تھاکہ کالعدم تنظیم سے معاہدے کے بارے میں وزیراعظم کو علم نہیں تھا۔
