05 نومبر ، 2021 
ملک میں کم آمدن والے افراد کیلئے مہنگائی کی شرح 16.43 فیصد پرپہنچ گئی
05 نومبر ، 2021
ادارہ شماریات کی مہنگائی کے حوالے سے ہفتہ وار رپورٹ جاری کردی۔
ادارہ شماریات کے مطابق ملک میں حالیہ ہفتے کے دوران مہنگائی میں 0.67 فیصد اضافہ ہوا جس کے بعد مہنگائی کی ہفتہ وارمجموعی شرح 15.21 فیصد ہوگئی جبکہ کم آمدن والے افراد کیلئے مہنگائی کی شرح 16.43فیصد پرپہنچ گئی۔
ادارہ شماریات نے بتایا کہ ایک ہفتے میں 28 اشیا کی قیمتوں میں اضافہ ہوا، ٹماٹر اوسط 20 روپے 9 پیسے فی کلو، چینی اوسط 5 روپے 56 پیسے فی کلو مہنگی ہوئی جبکہ ایک ہفتے میں ایل پی جی کا سلنڈر 77 روپے 96 پیسے مہ۔گا ہوا۔
ادارہ شماریات کے مطابق ایک ہفتے میں گھی کی فی کلو قیمت 10 روپے 21 پیسے بڑھی، انڈے 3 روپے 60 پیسے فی درجن اور آٹے کا 20 کلو کا تھیلا4 روپے 71 پیسے مہنگا ہوا۔
ادارہ شماریات کا کہنا ہے کہ ایک ہفتے میں بیف کی قیمت میں اوسط 5 روپے34 پیسے کا اضافہ ہوا جبکہ آلو، مٹن، لہسن اورگڑ بھی مہنگا ہوا۔
ادارہ شماریات کے مطابق ایک ہفتے میں 3 اشیا کی قیمتوں میں کمی ہوئی اور 20 اشیا کی قیمتوں میں استحکام رہا۔
مزید خبریں :
پاکستان میں مہنگائی 4 سال کی کم ترین سطح پر
02 نومبر ، 2024
رواں مالی سال کے پہلے 4 ماہ میں تجارتی خسارے میں کمی ریکارڈ
02 نومبر ، 2024
پی ایس ایکس: 100 انڈیکس میں 1893 پوائنٹس کا اضافہ
01 نومبر ، 2024
انٹربینک میں ڈالر سستا ہوگیا
01 نومبر ، 2024
ملک میں سونے کی قیمت میں اضافے کے بعد اچانک کمی
01 نومبر ، 2024
