07 نومبر ، 2021 
پاکستان
وفاقی کابینہ کے 6 ارکان نے ٹی ایل پی کی کالعدم حیثیت برقرار رکھنے کی حمایت کردی
07 نومبر ، 2021
وفاقی کابینہ کے 22 میں سے6 ارکان نے تحریک لبیک پاکستان (ٹی ایل پی) کی کالعدم حیثیت برقرار رکھنے کی حمایت کردی۔
ذرائع کے مطابق کابینہ میں کالعدم تنظیم کی حمایت نا کرنے والوں میں ایک خاتون وزیربھی شامل ہیں۔
ذرائع کا کہنا ہے کہ کابینہ کے 14 ارکان کی رائے کسی فیصلے کے حق یا مخالفت میں درکارہوتی ہے تاہم کابینہ کے ارکان کی اکثریت نے ابھی تک جماعت کے حق میں فیصلہ نہیں دیا۔
ذرائع کے مطابق کابینہ کے 22 وفاقی وزرا اس متعلق فیصلہ کررہے ہیں اور تمام وزرا کی رائے شام تک مل جائے گی۔
