08 نومبر ، 2021 
اسکاٹ لینڈ کیخلاف شعیب ملک کی دھواں دھار اننگز کی جھلکیاں
08 نومبر ، 2021
قومی ٹیم کے تجربہ کار مڈل آرڈر بلے باز شعیب ملک نے اسکاٹ لینڈ کے خلاف دھواں دھار نصف سنچری اسکور کر کے ایک بار پھر خود کو ٹیم کا اہم ستون ثابت کر دکھایا۔
گزشتہ روز کھیلے گئے آئی سی سی ٹی ٹوئنٹی ورلڈکپ کے گروپ ٹو کے میچ میں پاکستان نے اسکاٹ لینڈ کو 72 رنز سے شکست دیکر اپنے گروپ میں ٹاپ پوزیشن حاصل کر لی۔
اسکاٹ لینڈ کے خلاف میچ کی خاص بات شعیب ملک کی دھواں دھار اننگز تھی جسے اسٹیڈیم میں موجود ان کی اہلیہ اور بھارتی ٹینس اسٹار ثانیہ مرزا بھی دیکھ رہی تھیں۔
شعیب ملک نے اسکاٹ لینڈ کے خلاف صرف 18 گیندوں پر 54 رنز کی برقرفتار اننگز کھیلی جس میں ایک چوکا اور 6 چھکے شامل تھے۔
مڈل آرڈر بلے باز کی جانب سے اسکور کی گئی نصف سنچری پاکستان کی جانب سے ٹی ٹوئنٹی میں تیز ترین ففٹی ہے۔ اس سے قبل کامران اکمل نے 21 گیندوں پر نصف سنچری اسکور کی تھی۔
مزید خبریں :
نعمان علی آئی سی سی پلیئر آف دی منتھ کیلئے نامزد
6 گھنٹے پہلے
