انٹرٹینمنٹ
08 نومبر ، 2021

ویڈیو: دیوالی کی پارٹی میں پریانکا کا شاہ رخ کی فلم کے مقبول گانے پر رقص

پریانکا چوپڑا نے امریکا میں اپنے گھر پر دیوالی کی پارٹی دی جس میں ان کے شوہر نک جونس سمیت ہالی وڈ اداکاروں نے بھی شرکت کی۔— فوٹو: فائل
پریانکا چوپڑا نے امریکا میں اپنے گھر پر دیوالی کی پارٹی دی جس میں ان کے شوہر نک جونس سمیت ہالی وڈ اداکاروں نے بھی شرکت کی۔— فوٹو: فائل

بالی وڈ و ہالی وڈ کی معروف اداکارہ پریانکا چوپڑا نے امریکا میں اپنے گھر پر دیوالی کی پارٹی دی جس میں ان کے شوہر نک جونس سمیت ہالی وڈ اداکاروں نے بھی شرکت کی۔

اس موقع پر بنائی گئی ایک ویڈیو سوشل میڈیا پر وائرل ہے جس میں پریانکا چوپڑا اور پارٹی میں شامل دیگر افراد کو شاہ رخ خان پر فلمائے گئے گانے پر رقص کرتے ہوئے دیکھا جاسکتا ہے۔

خیال رہے کہ ہندو برادری نے گزشتہ دنوں ہولی کا تہوار منایا اور اس مناسبت سے پوری دنیا میں موجود ہندوؤں نے مختلف تقاریب کا انعقاد کرکے دوسروں کو بھی اپنی خوشیوں میں شریک کیا۔

اس حوالے سے خاص طور پر بالی وڈ شخصیات کی دیوالی پارٹیز کے چرچے رہے۔ گزشتہ دنوں ایکتا کپور کی دیوالی پارٹی میں سلمان خان و دیگر اداکاروں نے شرکت کی تھی البتہ شاہ رخ خان ان دنوں زیادہ منظر عام پر نہیں آرہے کیوں کہ ان کے بیٹے آریان خان حال ہی میں منشیات کیس میں ضمانت پر رہا ہوئے ہیں جس کی وجہ سے شاہ رخ گزشتہ ایک ماہ سے شدید ذہنی دباؤ کا شکار تھے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM