11 نومبر ، 2021 
کیچ چھوڑنے پر حسن علی کو سوشل میڈیا صارفین نے آڑے ہاتھوں لےلیا
11 نومبر ، 2021
آئی سی سی مینز ٹی ٹوئنٹی ورلڈکپ کے دوسرے سیمی فائنل میں آسٹریلیا نے پاکستان کو 5 وکٹوں سے شکست دیکر فائنل کیلئے کوالیفائی کرلیا ہے۔
177 رنز کے ہدف کے تعاقب میں 19ویں اوور میں جب آسٹریلوی ٹیم کو 10 گیندوں پر 20 رنز درکار تھے تو حسن علی نے شاہین کی گیند پر میتھیو ویڈکا کیچ چھوڑ دیا۔
اتنے اہم موقع پرکیچ ڈراپ ہونے کے بعد ویڈ نے شاہین کو مسلسل 3 چھکے لگا کر فتح پاکستان سے چھین لی۔
حسن علی کی جانب سے اہم موقع پر کیچ ڈراپ کرنے پر سوشل میڈیا صارفین نے انہیں آڑے ہاتھوں لے لیا اور حسن علی پر میمز کا سلسلہ شروع ہوگیا۔
ایک پوسٹ میں صارف نے حسن علی کی مزاحیہ تصویر پوسٹ کی ہے جس میں وہ کیمرے میں جھانک رہے ہیں۔
ایک صارف نے تصویرکا اسکرین شاٹ پوسٹ کرتے ہوئے لکھا کہ حسن علی نے ورلڈکپ ڈراپ کردیا۔
ایک صارف نے پوسٹ کی جس میں چند خواتین پسٹل لے کر کھڑی ہیں، صارف نے لکھا ہے کہ پاکستانی حسن علی کا انتظار کررہے ہیں۔
اس کے علاوہ بھی صارفین کی جانب سے میمز پوسٹ کرنے کا سلسہ جاری ہے جن میں سے چند یہ ہیں۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
