13 نومبر ، 2021 
فضائی آلودگی: نئی دہلی میں دو روز کیلئے لاک ڈاؤن کی تجویز
13 نومبر ، 2021
بھارتی سپریم کورٹ نے نئی دہلی میں بڑھتی فضائی آلودگی پر قابو پانے کے لیے شہر میں دو روز کے لاک ڈاؤن کی تجویز دے دی۔
بھارتی میڈیا کے مطابق سپریم کورٹ میں ایک کیس کی سماعت کے دوران عدالت نے مرکزی حکومت سے نئی دہلی کی فضائی آلودگی سے متعلق ایمرجنسی پلان طلب کرلیا۔
بھارتی چیف جسٹس این وی رمانا نے ریمارکس دیے کہ نئی دہلی اور اس کے قریبی شہر ایک ہفتے سے اسموگ کی لپیٹ میں ہیں، آپ دیکھیں صورتحال کتنی خراب ہے، ہمیں اپنے گھروں میں بھی ماسک کا استعمال کرنا پڑرہا ہے، مرکزی حکومت اس سلسلے میں ترجیحی بنیادوں پر ایمرجنسی پلان تشکیل دے۔
بھارتی چیف جسٹس نے ریاست نئی دہلی اور مرکزی حکومت کی جانب سے جمع کرائے گئے جواب پر کہا کہ حکام نے بتایا کہ وہ ایمرجنسی اقدامات اٹھانے کے لیے کیا منصوبہ بندی کرتے ہیں، کیا دو روز کا لاک ڈاؤن لگادیں؟ ائیر کوالٹی انڈیکس کی بہتری کے لیے حکومت کے پاس کیا منصوبہ بندی ہے؟
بھارتی میڈیا کے مطابق ریاستی حکومت نے عدالت میں جمع کرائے گئے جواب میں اعتراف کیا ہےکہ نئی دہلی کی فضا میں سانس لینا روزانہ 20 سگریٹس پینے جیسا ہے لیکن ہم صورتحال کی بہتری کے لیے تیار ہیں۔
عدالت نے ریاستی حکومت سے سوال کیا کہ نئی دہلی میں آلودگی کو کنٹرول کرنے کے لیے کیا جارہا ہے؟ حکومت اس سلسلے میں فوری طور پر اپنے پلان سے آگاہ کرے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
5 گھنٹے پہلے
غزہ پر اسرائیلی بمباری سے مزید 38 فلسطینی شہید
7 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
