دبئی میں ثانیہ مرزا کی سالگرہ، شعیب ملک کا گانا، بابر اعظم کی بھی شرکت

بھارتی ٹینس اسٹار اور پاکستان کرکٹ ٹیم کے آل راؤنڈر بیٹر شعیب ملک کی اہلیہ ثانیہ مرزا کی سالگرہ دبئی میں منائی گئی۔

ثانیہ مرزا نے اپنی انسٹاگرام اسٹوری پر سالگرہ سے متعلق تصاویر اور ویڈیوز شیئر کیں جن میں انہیں اپنے بیٹے اور شعیب ملک کے ہمراہ کیک کاٹتے ہوئے دیکھا جاسکتاہے۔

اس کے علاوہ شعیب ملک نے ثانیہ مرزا کی سالگرہ کے موقع پر گانا بھی گنگانا جبکہ قومی کرکٹ ٹیم کے کپتان بابر اعظم بھی سالگرہ کے موقع پر موجود تھے۔

علاوہ ازیں شعیب ملک نے ٹوئٹر پر بھی اپنی اہلیہ ثانیہ مرزا کو سالگرہ کی مبارکباد دی۔

ثانیہ مرزا کا یوم پیدائش 15 نومبر ہے اور وہ 35 برس کی ہوچکی ہے۔