17 نومبر ، 2021 
ایشز کے 2 ٹیسٹ میچز کیلئے آسٹریلوی اسکواڈ کا اعلان، عثمان خواجہ ٹیم میں شامل
17 نومبر ، 2021
انگلینڈ کے خلاف ایشز سیریز کے ابتدائی دو ٹیسٹ میچز کے لیے کرکٹ آسٹریلیا نے اسکواڈ کا اعلان کر دیا ہے۔
کرکٹ آسٹریلیا کے مطابق 15 رکنی ٹیم کی قیادت ٹم پین کریں گے جبکہ پیٹ کمنز ٹیم کے نائب کپتان ہوں گے۔
پاکستانی نژاد ٹیسٹ کرکٹر عثمان خواجہ کو بھی انگلینڈ کے خلاف سیریز کے لیے آسٹریلوی ٹیم میں شامل کر لیا گیا ہے۔
آسٹریلوی اسکواڈ میں ٹم پین (کپتان)، پیٹ کمنز (نائب کپتان)، کیمرون گرین، جوش ہیزل ووڈ، مارکس ہیرس، ٹریوس ہیڈ، عثمان خواجہ، مارنس لبوشین، ناتھن لیون، مائیکل نسیر، جھے رچرڈسن، اسٹیو اسمتھ اور مچل اسٹارک شامل ہیں۔
آسٹریلیا کے جارح مزاج بیٹر مچل مارش جنہوں نے ٹی ٹوئنٹی ورلڈ کپ کے فائنل میں شاندار بیٹنگ کرتے ہوئے 31 گیندوں پر دھواں دھار نصف سنچری بناکر کین ولیم سن کا ریکارڈ توڑا تھا، وہ اسکواڈ میں شامل نہیں ہیں، انہیں آسٹریلیا کی اے ٹیم کا حصہ بنایا گیا ہے۔
واضح رہے کہ ایشزکا پہلا ٹیسٹ 8 دسمبر سے برسبین اور دوسرا 16 دسمبر سے ایڈیلیڈ میں شروع ہوگا۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
10 گھنٹے پہلے
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
