دلچسپ و عجیب
20 نومبر ، 2021

اسپتال میں 30 سال تک ٹوائلٹ کا پانی پینے کیلئے استعمال ہونے کا انکشاف

1993 میں جب اسپتال کی تعمیر ہوئی تو اس کے 120 نلکے غلط لگا دیے گئے۔ فوٹو: فائل
 1993 میں جب اسپتال کی تعمیر ہوئی تو اس کے 120 نلکے غلط لگا دیے گئے۔ فوٹو: فائل

ایک اسپتال میں 30 سال تک ٹوائلٹ کا گندا پانی پینے کے صاف پانی کے طور پر استعمال ہونے کا انکشاف ہوا ہے۔

جاپان کے ایک خبر رساں ادارے کے مطابق ایک اسپتال میں تقریباً 30 سال تک ٹوائلٹ کا پانی پینے کے صاف پانی کے طور پر استعمال کیے جانے کا انکشاف اوساکا یونیورسٹی کی جانب سے کیا گیا۔

میڈیا رپورٹس کے مطابق اوساکا یونیورسٹی کی جانب سے بتایا گیا کہ اسپتال ڈپارٹمنٹ کے پانی کے کچھ نلکے غلطی سے ٹوائلٹ کے ساتھ جوڑ دیے گئے تھے۔

رپورٹس کے مطابق جب 1993 میں اسپتال کی تعمیر ہوئی تو اس کے 120 نلکے غلط لگا دیے گئے اور ان نلکوں سے آنے والا پانی حیران کن طور پر ہاتھ دھونے، پینے اور غرارے کرنے کے لیے استعمال کیا جاتا رہا۔

مقامی میڈیا کے مطابق تقریباً 30 سال تک اسپتال میں ٹوائلٹ کا گندہ پانی استعلام ہوتا رہا اور ہرکوئی اس سے نابلد رہا لیکن جب اسپتال کی ایک نئی بلڈنگ کے لیے انسپکشن کی گئی تو اس وقت یہ ماجرا کھل کر سامنے آیا۔

اس سے بھی دلچسپ بات یہ بھی کہ اسپتال کی انتظامیہ 2014 میں باقاعدگی کے ساتھ ہفتے میں ایک بار اسپتال کے پانی کا رنگ، ذائقہ اور اس کی بدبو چیک کرتی تھی لیکن اس کے باوجود کسی کو بھی اس بارے میں پتہ چلا کہ وہ یہ پانی صاف ہے یا پھر ٹوائلٹ کا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM