کراچی میں ہزاروں گیزر آن ہونے سے گیس کی طلب میں اچانک اضافہ ہوگیا

سوئی سدرن گیس کمپنی لمیٹڈ (ایس ایس گی سی) نے کراچی میں گیس قلت پر بیان جاری کیا ہے۔

سوئی سدرن گیس کمپنی کے مطابق ہزاروں گیزر آن ہونے سے گیس کی طلب میں اچانک اضافہ ہو گیا جبکہ بلوچستان میں بھی سردیوں میں گیس کی اضافی مانگ ہے۔

سوئی سدرن کا کہنا ہے کہ کمپنی کو اتوار کے روز سی این جی اور صنعتی سیکٹر کو گیس کی سپلائی بند کرنی پڑی۔

سوئی سدرن کے مطابق کچھ علاقوں میں گیس کے کم پریشر کا سامنا ہو سکتا ہے جبکہ ڈسٹری بیوشن لائنوں کے آخر میں واقع علاقوں میں گیس پریشر کم ہوسکتے ہیں۔

خیال رہے کہ موسم کی تبدیلی کے علاوہ بھی شہر میں گیس کی قلت ہے اور مختلف علاقوں میں گیس لوڈشیڈنگ کا سلسلہ کئی ماہ سے جاری ہے۔