کھیل
22 نومبر ، 2021

آمدنی کتنی اور شادی کب ہوگی؟ مداح کے سوال پر بابراعظم کا دلچسپ جواب

قومی کرکٹ ٹیم کے کپتان بابر اعظم نے شادی اور اپنی آمدنی کے حوالے سے پوچھے گئے سوالات کے جواب دیے ہیں۔

پاکستان کرکٹ بورڈ کے ٹوئٹر اکاؤنٹ پر قومی ٹیم کے کپتان کی ایک ویڈیو شیئر کی گئی ہے جس میں بابر اعظم کو ان سے متعلق گوگل پر سب سے زیادہ سرچ کیے جانے والے سوالات کا جوابات دیتے دیکھا جاسکتا ہے۔

بابر اعظم کہاں رہتے ہیں؟

رہائش سے متعلق سوال کا جواب دیتے ہوئے بابر اعظم نے بتایا کہ وہ لاہور میں رہتے ہیں اور وہاں کی خاصیت ہے کہ وہاں کے کھانے بہت مشہور ہیں اور کرکٹ کے مشہور ٹیسٹ کرکٹر اور لیجنڈز کا تعلق لاہور سے ہی ہے۔

کونسا بلا استعمال کرتے ہیں؟

بلے سے متعلق پوچھے گئے سوال کے جواب میں قومی کپتان نے کہا کہ وہ گرینکل بیٹ استعمال کرتے ہیں جب کہ بلے کا وزن مختلف ملکوں کے اسٹیڈیم اور وہاں استعمال کیے جانے والے بلوں پر ہوتا ہے۔

کپتان کے مطابق  وہ اپنے ساتھ 6 سے 7 بلے رکھتے ہیں، ان کی کوشش ہوتی ہے کہ ان کے بلوں کی تعداد کم رہے کیوں کہ زیادہ بلوں کے استعمال سے کنفیوژن پیدا ہوجاتی ہے اور وہ ہمیشہ بہترین بلوں کے ساتھ کھیلتے ہیں۔

آمدنی کتنی ہے؟

آمدنی سے متعلق کیے گئے سوال پر بابر کا کہنا تھا کہ وہ اپنی آمدنی نہیں بتائیں گے لیکن اتنا ضرور کہیں گے کہ ان کی آمدنی  مداحوں کی سوچ سے کم ہی ہے۔

شادی کب کریں گے؟

گوگل پر سرچ کیے جانے والے سوالات میں سے ایک سوال قومی کپتان کی شادی سے متعلق بھی تھا، اکثر لوگ یہ جاننا چاہتے ہیں کہ بابر اعظم کب شادی کررہے ہیں؟ جس کے جواب میں بابر نے مداحوں کو بتایا کہ ابھی فی الحال وہ شادی نہیں کررہے کیوں کہ ان کی ساری توجہ کرکٹ پر ہے ، تاہم انہیں بھی نہیں پتا کہ ان کی شادی کب ہوگی ، یہ تو گھر والوں کو پتا ہے۔

آئیڈیل کون ہے؟

بابر نے جنوبی افریقہ کے سابق کپتان اے بی  ڈی ویلیئرز کو اپنا آئیڈیل قرار دیتے ہوئے بتایا کہ وہ شروع سے ہی ان کو فولو کرتے ہیں اور ان کو کاپی بھی کرتے آئے ہیں۔ 

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM