وفاقی کابینہ نے اسلام آباد میں بلدیاتی انتخابات کرانے کی منظوری دے دی

وفاقی کابینہ نے وفاقی دارالحکومت اسلام آباد میں بلدیاتی انتخابات کرانے کی منظوری دے دی۔

وزیراعظم عمران خان کی زیرصدارت وفاقی کابینہ کا اجلاس ہوا جس میں مکلی سیاسی و معاشی صورتحال پر غور کیا گیا اور اہم فیصلے کیے گئے۔

ذرائع کے مطابق وفاقی کابینہ نے اسلام آباد میں بلدیاتی انتخابات کرانے کی منظوری دی ہے۔

ذرائع نے بتایا کہ بلدیاتی انتخابات سے متعلق الیکشن کمیشن جلد شیڈول جاری کرے گا جبکہ پیٹرول بحران کمیشن رپورٹ پر کابینہ کمیٹی کی سفارشات اجلاس میں پیش کی گئیں۔

ذرائع کے مطابق کابینہ اجلاس میں معاشی صورت حال اور آئی ایم ایف معاہدے پر بریفنگ دی گئی۔