24 نومبر ، 2021 
سڑکیں کترینہ کے گالوں کی طرح بننی چاہئیں: بھارتی وزیر کی نرالی خواہش
24 نومبر ، 2021
بھارتی ریاست راجستھان کے وزیر راجیندرا سنگھ گودھا کی ایک ویڈیو سوشل میڈیا پر زیر گردش ہے جس میں انہوں نے اچھی سڑکیں بنانے کیلئے بالی وڈ اداکارہ کترینہ کیف کے رخساروں کی مثال دی۔
یہ ویڈیو بھارتی نیوز ایجنسی اے این آئی کی جانب سے شیئر کی گئی جس میں راجیندرا سنگھ عوام سے خطاب کررہے ہیں جس دوران لوگوں نے ان سے مطالبہ کیا کہ ہمارے علاقے کی سڑکیں جلد از جلد ٹھیک ہونی چاہئیں۔
لوگوں کے اس مطالبے پر بھارتی وزیر نے وہاں موجود محکمہ تعمیرات کے چیف انجینئر سے مخاطب ہوتے ہوئے کہا کہ سڑکیں کترینہ کیف کے گالوں کی طرح ہموار اور ملائم بننی چاہئیں۔
بھارتی وزیر کے اس جملے نے وہاں موجود لوگوں کو خوب محظوظ کیا۔
تاہم یہ پہلا موقع نہیں جب اداکاراؤں کے گالوں کی مثال سڑکوں کیلئے دی گئی ہو، اس سے قبل 2005 میں سابق بھارتی وزیر لالو پرساد یادو نے کہا تھا کہ بہار کی سڑکیں اداکارہ ہیما مالنی کے گالوں کی طرح بنائی جائیں۔
مزید خبریں :
ایک بلی نے 'طیارے' کو ہائی جیک کرلیا تو پھر کیا ہوا؟
6 گھنٹے پہلے
سائنسدانوں نے زمین کی گہرائی میں چھپا حیرت انگیز راز جان لیا
11 فروری ، 2025
بھارتی وی لاگر نے اپنے گنجے سر کو کمائی کا ذریعہ بنالیا
09 فروری ، 2025
بندر نے پورے سری لنکا کی بجلی بند کردی
09 فروری ، 2025
