پاکستان
25 نومبر ، 2021

کراچی میں رات اور صبح کے اوقات شدید دھند کب تک رہے گی؟

کراچی میں ان دنوں رات اور صبح کے اوقات میں شدید دھند کا ڈیرہ ہے جس کی وجہ سے گزشتہ شب ٹریفک حادثے میں دو افراد جاں بحق بھی ہوئے۔

کراچی میں دھند آگئی، دھند سے حادثات ہوگئے، پروازیں بھی تاخیر کا شکار ہوئیں۔

کراچی کے علاقے ناردرن بائی پاس پر نجی یونیورسٹی کے قریب مسافر بس اور ٹرک کی ٹکر سے دو افراد جاں بحق اور بارہ زخمی ہوئے۔

اس کے علاوہ  کراچی ائیرپورٹ سے اندرون و بیرون ملک جانے والی پانچ پروازیں تاخیر کا شکار  ہوئیں۔

نارتھ ناظم آباد، نیو کراچی، اورنگی ٹاؤن، ملیر ، ائیر پورٹ اور سپر ہائی وے لنک روڈ پر حد نگاہ 100 میٹر تک رہ گئی تھی۔

نارتھ ناظم آباد کے ایک علاقے میں چھائی ہوئی دھند کا منظر — فوٹو: بشکریہ دانش نذیر حسین
نارتھ ناظم آباد کے ایک علاقے میں چھائی ہوئی دھند کا منظر — فوٹو: بشکریہ دانش نذیر حسین

محکمہ موسمیات کا کہنا ہےکہ آئندہ دو سے تین روز مزید کراچی میں صبح سویرے دھند رہنے کا امکان ہے۔

ماہرین کا کہنا ہے کہ دھند کے دوران ڈرائیور حضرات خاص طور پر احتیاط کا مظاہرہ کریں اور فوگ لائٹس کا استعمال کریں۔ 

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM