سینیئر افسروں کے تبادلوں پر سندھ اور وفاق میں تنازع ختم نہ ہوسکا

سینیئر افسروں کے تبادلوں پر سندھ اور  وفاق میں تنازع برقرار ہے، سندھ حکومت نے افسران کو ریلیز کرنے سے پھر انکار کردیا۔

 اس سے قبل ایک سینیئر افسر کی مداخلت کے بعد وزیراعلیٰ سندھ جزوی طور پر افسران کے تبادلوں پر رضامند ہوگئے تھے۔

روٹیشن پالیسی: وزیراعلیٰ سندھ جزوی طور پر افسران کے تبادلوں پر رضامند ہوگئے

ان افسران کو نہیں روکا جائےگا جو روٹیشن پالیسی کے تحت سندھ سے جانا چاہتے ہیں، ذرائع

ذرائع کے مطابق کئی پولیس افسروں کے ریلیز  آرڈر تیار کرلیےگئے تاہم کچھ افسران تبادلے پر راضی نہ ہوئے ، سندھ حکومت کے نئے مؤقف کے بعد تبادلے پھر روک لیےگئے ۔

ادھر پنجاب حکومت کی افسروں کے تبادلے نہ کرنےکی درخواست  بھی وزیر اعظم نے نہیں مانی  اور گریڈ 20 کے 6 ڈی آئی جیز کو ریلیز کرنےکا نوٹی فکیشن بھی جاری کردیا گیا ۔