کراچی میں نامعلوم شقی القلب نومولود بچے کو کچرا کنڈی میں ڈال گئے

کراچی کے علاقے گلشن حدید میں نامعلوم شقی القلب ایک نومولود بچے کو کچرا کنڈی میں ڈال گئے۔

گلشن حدید کی کچرا کنڈی سے نومولود بچہ ملا جسے ایدھی رضاکاروں نے قومی ادارہ برائے صحت اطفال پہنچایا۔ نومولود کو شعبہ حادثات میں طبی امداد کے بعد انتہائی نگہداشت کے وارڈ میں منتقل کردیا گیا ہے۔

پولیس نے ڈاکٹرز کے حوالے سے بتایا ہے کہ بچے کی حالت خطرے سے باہر ہے تاہم وہ جلد کی کسی خطرناک بیماری میں مبتلا ہے۔

پولیس کے مطابق ابتدائی طور بچے کے جھلسے ہوئے ہونے کی اطلاع ملی تھی جو غلط نکلی۔

پولیس کا کہنا ہے کہ پولیس کو بچے کی نشاندہی ایک خاتون نے کی تھی، اس بات کی تحقیقات کی جارہی ہے کہ بچے کو کون کچرا کنڈی میں پھینک کر گیا۔