پاکستان
28 نومبر ، 2021

خط لکھنے کی روایت کو ازسر نو فروغ دینے کیلئے منفرد تحریک شروع کردی گئی

خط لکھنے کی روایت کو ازسر نو فروغ دینے کیلئے منفرد تحریک شروع کردی گئی۔

کنیئرڈ کالج لاہور سے ’ آؤ خط لکھیں‘ تحریک کا باقاعدہ آغاز کیا گیا۔ کالج میں خط لکھو تحریک کے آغاز پر ڈاک خانہ لگایا گیا جہاں طالبات نے بڑھ چڑھ کر خطوط لکھے اور تحریک میں حصہ لیا۔

پوسٹ ماسٹر جنرل پنجاب خواجہ عمران رضاکے مطابق کینئرڈ کالج لاہور سے شروع کی جانے والی تحریک کا مقصد ادبی ذوق کی تسکین اورمحکمہ ڈاک کی ساکھ اور ریونیو بڑھانا ہے ۔

ان کا کہنا تھاکہ امریکا اوریونیسکو نے لاہور کو سٹی آف لٹریچر قرار دیا ہے، آؤ خط لکھو تحریک ملک کے کو نے کونے تک پھیلائیں گے۔

کالج کی پرنسپل ڈاکٹر رخسانہ ڈیوڈ کا کہنا تھا کہ خط نویسی کی تحریک سے جذبات اور احساسات کے اظہار کو نئی جہت ملے گی۔

خط لکھو تحریک کے تحت مختلف شہروں میں فلوٹ بھی بھیجے جارہے ہیں جس سے لوگوں کو خط لکھنے کی ترغیب ملے گی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM