راحت فتح علی خان کا 30 دسمبر کو دبئی میں کنسرٹ کا اعلان

استاد راحت فتح علی خان نے متحدہ عرب امارات کے قومی دن کے موقع پر اماراتی شہریوں کو مبارکباد دی ہے اور ساتھ ہی 30 دسمبر کو دبئی میں کنسرٹ کا اعلان کردیا ہے۔

راحت فتح علی خان کا کہنا ہے کہ ایسا کنسرٹ سجائیں گے  جس کی مثال نہیں ملتی۔

جیو نیوز سے گفتگو میں راحت فتح علی خان نے خدا اور محبت کے ساونڈ ٹریک کی ریکارڈ توڑ مقبولیت پر خدا کا شکر ادا کیا کہا کہ ڈرامہ انڈسٹری تو مثالی پرفارمنس دے رہی ہے،  فلم انڈسٹری بھی اچھے سینماز  بننے کے بعد مزید پھلے پھولے گی۔

راحت فتح علی خان کا انٹرویو جمعے کی صبح پروگرام جیو پاکستان میں پیش کیا جائے گا۔