03 دسمبر ، 2021
صدر مملکت ڈاکٹر عارف علوی نے سیالکوٹ واقعے کی شدید مذمت کی ہے۔
اپنی ٹوئٹ میں صدر مملکت کا کہنا تھاکہ وزیراعظم اور حکومت پاکستان کے فوری اقدام کوسراہتا ہوں۔
ان کا کہنا تھاکہ سیالکوٹ واقعہ افسوسناک اورشرمناک ہے، کسی بھی طرح سے مذہبی نہیں۔
ان کا کہنا تھاکہ اسلام ایسا مذہب ہے جس نے انصاف کے اصول قائم کیے ہیں۔
خیال رہے کہ سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا۔
مشتعل افراد نے لاش کو سڑک پر گھسیٹا اور آگ لگا دی، مشتعل افراد کا دعویٰ ہے کہ مقتول نے مبینہ طور پر مذہبی جذبات مجروح کیے تھے۔ واقعے کے بعد 50 سے زائد افراد کو گرفتار کیا گیا ہے۔